Чаллыда физик мөмкинлекләре чикле кешеләрне эшкә урнаштыралар

Ел башыннан мәшгульлек үзәгенә 300гә якын физик мөмкинлекләре чикле шәһәрдәш мөрәҗәгать иткән. Аларның 88% эшкә урнаштырганнар. 7 кеше һөнәри белем алуга юллама алган.

«Работа России» кадрлар үзәге «Чудо-дети» дәвалау педагогика үзәге белән дә хезмәттәшлек итә. Психик тайпылышлары булган инвалид балаларны эшкә урнаштыру максатын да куя. Ел башыннан 14 кеше эш белән тәэмин ителгән. Алар «Жемчужина» санаториенда, «Мәдәният һәм ял итү паркы»нда, «Чудо-дети» үзәгендә эшли.