Чаллыда яшәүчеләргә автомобиль бүләк иттеләр

4 шәһәрдәшебез өр-яңа машинага ия булды. Татарстан буенча Россия Социаль фонды бүлеге производствода зыян күргән кешеләргә автомобильләр бүләк итте. 
Мондый зур бүләк 7 елга 1 тапкыр сәламәтлегенә нык зыян салынган гражданнарга бирелә. Машиналарны хуҗасына яраклаштырып, идарә итүдә уңайлы итеп ясыйлар. Проектның максаты - авыр хәлдә калган кешеләргә уңайлыклар тудыру, социаль реабилитацияләү, алар алдында яңа мөмкинлекләр ачу.

Республика буенча барлыгы 33 кешегә машина ачкычлары тапшырдылар. Яшьләре 34тән 76га кадәр.