Чаллыда Яшьләр көне ничек уза?

Яшьләр идарәсе башлыгы Ләйсән Видинеева яшьлә көне программасы белән таныштырды. 
Чаллыда 140 мең егет-кыз төрле тармакларда хезмәт куя. Чаллы яшьләре шәһәр тормышында актив катнаша. Алар грант акчасына төрле кызыклы һәм файдалы чаралар оештыралар. Быел Чаллы яшьләре 7,5 млн сумлык 9 грант отканнар. 
28 июньдә егет-кызлар  өчен бәйрәм оештырыла. Традиция буенча бәйрәм чаралары Хәсән Туфан проспектында Чулман проспектыннан Мәйданга кадәр дәвам итә. Быел ул  «Ватанны саклаучылар елында Чаллы яшьләре» һәм «Чаллыга – 400 ел»  шигаре астында уза.
16 сәгатьтә «Яшьләр кварталы» дип исемләнгән 10нан артык интерактив мәйданчык эшли башлый. Оештыручылар «Все свои» квартирнигы; «Молодёжный маркет», «Мой М.И.Р.» рок фестивале һәм башка чаралар тамашачылар күңеленә хуш килер дип ышандыралар.   

Быел грант кысаларында «Зорица» фолк-фестивале уза. Шәһәрдәшләргә варган уен коралында уйнау буенча мастер-класс күрсәтелә. 
Мәктәп балалары өчен Беренчеләр хәрәкәте мәйданында «2025 ел Беренчеләре Кубогы»на квиз уза. Шул ук көнне алар тантаналы төстә  Беренчеләр хәрәкәтенә кабул ителә. 

«Кадерлеләр һәм яратканнары» шатерында исә әти-әниләр балалары белән бергә мастер классларда катнаша алалар. Шулай ук велоспорт, самокатлар, беговеллар фестивале  дә була. 

Предприятие һәм оешмалар «Работай в Челнах» акциясе оештыра. Мәйданчыкта телевизор, кер юу машинасы җыю буенча мастер класс үткәрелә. Кешеләр үзләрен буяучы буларак һәм «КАМАЗ җый» дип исемләнгән уенда үзләрен сыный алачаклар. 

«ЯR-Арт» мәйданында шәһәрдәшләргә керамик клитка ясау мөмкинлеге бирелә. «Автозвук» мәйданында республикадан 30дан артык машина катнаша. Ә автомототехника күргәзмәсендә 100дән артык техниканы карап булачак. 

17 сәгатьтә мәйданда театральләшкән тамаша башлана.  Быел яшьләр көнендә Janaga – музыкант  Геворг Агаджанян чыгыш ясый. Аннары егет-кызлар өчен дискотека оештырла.  

Чаллы мэры Наил Мәһдиев киңәшмәдә: «Чаллы яшьләре мөстәкыйль һәм актив. Бәйрәмне алар үзләре оештыра. Без комачауламыйча аларга ярдәм итәргә тиеш», – диде. 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).