Чаллыда инсульттан үлүчеләр кимегән

Ашыгыч медицина ярдәме күрсәтү хастаханәсендә инсульт белән авыраган кешеләргә хезмәт күрсәтү сыйфаты яхшырган. Инсульттан үлем очрагы узган елда 31%ка кимегән. 

Бу хакта Ашыгыч медицина ярдәме күрсәтү хастаханәсе баш табибы Марат Мөхәммәдиев медицина советында хәбәр итте. 
Әлеге сәламәтлек саклау учрежденисендә ашыгыч ярдәм хезмәте белән берлектә яңа проект гамәлгә кергән. Невролог авыруны хастаханә ишек төбендә каршы алып, компьютер томографиясенә алып керә, 18 минуттан соң диагноз куела һәм вакытны сузмыйча дәвалый башлыйлар.