Чаллыда ир-атны бәрдереп качкан машина хуҗасын эзлиләр

Чаллы инспекторлары тукталышта басып торучы ир-атны бәрдереп качкан машина хуҗасын эзли. Бу хакта ЮХИДИ пропаганда бүлегендә хәбәр иттеләр. 

Фаҗига 19 октябрьдә кичке 7дә “Курчаклар театры” тукталышында була. Автомобиль басып торучы 51 яшьлек ир-атны бәрдереп, урыннан кача. 
Зыян күрүчене шәһәрнең ашыгыч ярдәм күрсәтү хастаханәсенә озаталар. Хәзерге вакытта ул травматология бүлегендә дәвалана.

Инспекторлар фаҗига шаһитларын 51-18-14 яисә 37-95-69 номерлары буенча шалтыратуларын сорый. 

Башка яңалыклар - "Шәһри Чаллы" газетасының Телеграмм каналында