«Адымнар» гимназиясе хезмәткәрен машина бәрдереп үтерде

Чаллыда велосипедчы катнашында юл-транспорт һәлакәте булды. Hyundai Elantra машинасы 35 яшьлек велосипедчыны бәрдерде. Автомобиль Чулман проспектыннан Вахитов проспектына таба урта полосадан хәрәкәт иткән була. Шул вакытта уң яктан барган велосипедчы җәяүлеләр юлына барып җиткәнче, юлны диагональ буенча кисәргә тели. Әмма өлгерә алмый, машина астына эләгә. Ир-ат авариядә алган җәрәхәтләрдән ашыгыч медицина ярдәме күрсәтү хастаханәсенең реанимация бүлегендә җан бирә. Аның 59нчы "Адымнар" гимназиясендә баш инженер булып эшләве билгеле.