Чаллыда ЮХИДИ инспекторларыннан качкан квадроцикл йөртүчесен эзлиләр

Чаллыда ЮХИДИ инспекторларыннан качкан квадроцикл хуҗасын эзлиләр. Аны хокук сакчылары 13 августта Чаллы Яр микрорайонының Портовая урамында күреп ала. Транспорт чарасының номерлары булмый. Инспекторлар аңа туктарга боера, тик йөртүче, киресенчә, тизлеген арттырып Вторая Береговая урамына кереп китә. Биредә ул бер йортның бордюрларына һәм клумбаларына зыян сала. Аннары җәяүлеләр генә йөри торган Табеев яр буена чыгып, качып китә. ЮХИДИ инспекторлары аны куып тота алмый. Хәзерге вакытта әлеге ир-атның шәхесен ачыклау өстендә эшлиләр.

фото: https://carpath.ru