Чаллыда Кытай машинасы шартлады

Казан проспектында Geely Emgrand автомобиле шартлады. Социаль челтәрләрдә видеосы да бар. Машина хәрәкәт иткән җиреннән кинәт шартлый һәм яна башлый. Руль артындагы 60 яшьлек ир-ат исән. Йөзе һәм куллары нык пешкән – аны БСМПга озаттылар. Янгынны коткаручылар килгәнче шаһитлар сүндерде. 

Беренчел фаразлар буенча, фаҗигага тәмәке сәбәпче булган. Инспекторлар әйтүенчә, сәбәбе транспорт узеллары һәм механизмнарда. Алар төзек булмау аркасында баллоннан газ чыккан. 

РФ МЧС фотосы