Чаллыда медицина ярдәме күрсәтү пункты ачылды

71нче микрорайонда яшәүчеләргә медицина ярдәме алу өчен ерак йөрисе түгел. Биредә яңа фельдшер-акушерлык пункты ачылды. 84 квадрат метрлы бинада барысы да бар: пациентларны кабул итү, процедуралар һәм привикалар ясау кабинетлары, шәфкать туташлары һәм чиратта утыру өчен аерым бүлмәләр.

Пациентларны иртәнге сәгать 8дән кичке 4кә кадәр кабул итәләр. Шимбә көнне 8дән 12гә кадәр. Кирәк булган очракта, пациентлар фельдшерны өенә чакыра ала.