Инспекторлар чираттагы рейдка чыкты.
Чаллыда "Мотоцикл" операциясе игълан ителде. 7 августтан башлап атна азагына кадәр инспекторлар мотоциклчыларны тикшерәчәк. Алар катнашында шәһәрдә 14 юл-транспорт һәлакәте булган. 15 кеше тән җәрәхәте алган.
Чаллы Автоинспекциясе хезмәткәрләре әйтүенчә, мотоциклчылар еш үзләре аварияләргә сәбәпче була: зур тизлектә куалар, борылышларда туктап тормыйлар, каршы полосага чыгалар, җәяүлеләрне үткәрмиләр.
Инспекторлар сак булырга, юл кагыйдәләрен үтәргә киңәш итә. Аеруча да шлемсыз йөрү фаҗигага китерергә мөмкин, ди алар.
Нет комментариев