Чаллыда ризык белән агулану очрагы теркәлгән

“Шаурмен” кафесында тукланган кешедә эчәк таякчыгы табалар. Бу очрактан соң Роспотребнадзор белгечләре санитар нормаларның үтәлешен тикшерә. Нәтиҗәдә, санитар кагыйдәләр тиешенчә үтәлмәгәнлеге ачыклана. Бина һәм җиһазлар пычрак була, дезинфекция үткәрелмәгән, азык-төлек дөрес сакланылмаган. Кайбер продуктларда һәм инвентарьдә маркировка булмаган. Шул сәбәпле, 60 кг продукция юк ителгән.

Кафе хуҗасына карата административ беркетмә төзелгән, бина эшчәнлеген 90 тәүлеккә туктатканнар.