Закон бозучыларны штраф көтә.
14 апрельдан 11 майга кадәр Татарстанда янгынга каршы режим кертелә. Бу вакытта учак ягу, каты көнкүреш калдыкларын, коры үлән һәм чүп-чарны яндыру тыелачак. Балалар лагерьларында, бакчачылык ширкәтләрендә дә шашлык пешерү рөхсәт ителмәячәк. Шулай ук урман янгыннары куркынычы янаган торак пунктлар территориясендә 1-3 класслы пиротехник эшләнмәләр кулланырга ярамый.
Янгын куркынычсызлыгы таләпләрен бозган өчен гражданнарга — 10 меңнән 20 мең сумга кадәр, вазыйфаи затларга — 30 меңнән 60 мең сумга кадәр, эшмәкәрләргә — 60 меңнән 80 мең сумга кадәр, юридик затларга 400 мең 800 мең сумга кадәр штраф каралган.
Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).
Нет комментариев