Чаллылар тагын беренче!

Ярышларда 40тан артык төбәктән 20ләп көрәшче бил алышты. Спортчылар Башкортостан, Ульяновск, Чувашстан, Киров, Марий-Эль республикаларыннан тыш, спортчылар Луганск Халык республикасы, Хакасия, Коми, Иркутск, Кырым якларыннан да килделәр. 

Татарстан командасы өчен чемпионатта ике тренер – Чаллыдан Илнур Хәйбуллин һәм Казаннан «Зилант» клубы тренеры Илмир Төхвәтуллин – җаваплы итеп билгеләнде. Ярышларда 10 үлчәү авырлыгында Татарстаннан 8 көрәшче алтын медаль яулады. Араларында Чаллы көрәшчеләре дә бар. 

90 килограммдагы үлчәү категориясендә Азат Габдрәшитов, 130+ кг авырлыкта Рәнис Гыйләҗетдинов беренче урынны яуладылар. 80 килограммдагы үлчәү категориясендә Ленар Садыйков өченче урынны алды. Җиңүчеләргә акчалата бүләк, медаль, кубоклар тапшырдылар. I урын – 30 мең сум, II – 20 мең сум, III урынга 10 мең сум бирелде. 

– Беренче урын алган көрәшчеләр 12-23 июнь көннәрендә Казанда узачак БРИКС илләре Уеннарында катнашачак. Алар Татарстан, Россия данын яклаячак. Ә Ленар Садыйков 23 июньдә узачак Дөньякүләм чемпионатта үз көчләрен сынап караячак, – дип аңлатты Чаллы көрәш федерациясенең башкарма директоры Рамил Хисмәтуллин.