Чаллылыларны агач утырту эшенә җәлеп итәчәкләр

Шәһәр мэры Наил Мәһдиев сентябрьнең икенче яртысында яшелләндерү, чистарту эшләре башланачагын хәбәр итте. «Яңгыр явып үтсә, агач, куаклар утыртуны башлыйбыз. Бу эшкә шәһәрнең актив кешеләрен дә җәлеп итәргә кирәк.

Ишегалларын төзекләндерүгә 5 миллиард сумга якын акча тотылды. Кайбер ишегаллары шәһәрдәшләр тырышлыгы белән бик матурланды, ә кайберләрендә төзүчеләр киткәннән соң берни дә үзгәрмәде. Без, шәһәребезне матурлауга барыбыз да өлеш кертергә, барыбыз да шәһәребезне яратырга тиеш. Чәчәк үстентеләре, агач, куаклар белән тәэмин итәрбез. Аларны йорт яннарына, урамнарга утыртуга йортларда яшәүчеләрне дә җәлеп итәргә кирәк. Үзең утырткан агач, куак, кадерле була ул», – диде Наил Гамбәрович.