Чаллы егетләре армиягә китте

Татарстаннан 300дән артык егет 5 декабрьдә Байкал аръягына һәм Ерак Көнчыгышка хәрби хезмәт үтәргә китте. Алар арасында Чаллы егетләре дә бар. Барлыгы быел көз республикада ике меңгә якын кеше хәрби хезмәткә чакырылган инде.

Армиягә чакырылучылар коронавируска ике тапкыр тест узган: башта үз районнарында, аннары җыелма пунктка килеп җитү белән. Көзге чорда республикадан хәрби хезмәткә барлыгы өч мең егетне озату планлаштырыла.