Чаллы медицина көллияте директоры урынбасарына шулай ук өй аресты билгеләделәр

Чаллы медицина көллияте директоры урынбасары Гөлнара Закирова да өй арестына озатылды.
Чаллы суды тикшерүнең Гөлнара Закированы кулга алу турындагы үтенечен кире кагып, аңа 30 августка кадәр өй аресты билгеләде.
Закирова абитуриентларны уку йортына кертү өчен әти-әниләреннән ришвәт алуда катнашуын кире кага. Ул үзен сак астына алмауны үтенә, аерылышканнан соң ялгызы гына балигъ булмаган кызын тәрбияләвен, ә олы улы югары уку йортында укуын һәм аның ярдәменә мохтаҗ булуын әйтә. 
 

Фото: kazan.bezformata.com