Чаллы полициясе башлыгы итеп Михаил Чекмарев билгеләнде

Чаллы полициясен Казаннан Михаил Чекмарев җитәкли башлады. Ул эчке эшләр идарәсе башлыгы урынбасары  һәм полиция башлыгы вазыйфасына билгеләнде. Элеккеге җитәкче Руслан Бәдретдинов узган атна ахырында Менделеевскка күчерелгән һәм Россия Эчке эшләр министрлыгының Менделеевск районы буенча бүлек башлыгы вазифасына билгеләнгән.

Элек Михаил Чекмарев Казан Эчке эшләр идарәсенең полиция башлыгы урынбасары булып эшләгән. Михаил Алабуга полиция мәктәбен тамамлагач, Совет районы эчке эшләр идарәсенең җинаятьчеләрне эзләү бүлеге оперуполномоченные булып эшли башлый, Казанда 20 елдан артык хезмәт итә. Полиция башлыгы урынбасары вазыйфасын 2016 елда, башкала Эчке эшләр идарәсенең элеккеге җитәкчесе Алексей Соколов киткәч, ала.

Билгеләнгән кешенең тәҗрибәсе зур, бигрәк тә яшьләр оешкан җинаятьчел төркемнәргә каршы.

– Без яшүсмерләр белән җитди эш алып барабыз, аларга криминалның киләчәге булмавын аңлатырга тырышабыз. Алар мәктәп эскәмиясеннән үк нәрсә китерергә мөмкин икәнлеген аңласын иде, - дип шәрехләде Чекмарев. - Без аларга изолятор һәм колониядә җинаятьчене нәрсә көтүе турында сөйлибез, җинаятьчеләрнең тормышта үзләрен таба алмауларын аңлатабыз. Минемчә, бу эш билгеле бер уңай нәтиҗәгә ия.

Үзенең эше турында Чаллы полициясе башлыгы урынбасары болай дип белдерде:

- Көн саен эшкә барабыз һәм безне нәрсә көткәнен белмибез. Без проблемалар эзләмибез – алар безне үзләре таба. Үз эшенең фанаты булырга кирәк.