Чаллы янындагы ял базасында канга баткан егетне тапканнар

Ул гаиләсе белән биредә туган көн мәҗлесендә катнаша һәм кәеф-сафа корган урыннан иртәрәк китә. Төнге уннарда ике егет килеп аның канга батып ятуын килеп әйтә. Егетнең баш мие селкенгән, кабыргалары сынган, умыртка сөягенә зыян килгән була. Хәзер ул ашыгыч ярдәм хастаханәсенең реанимация бүлегендә ята.

Туганнары күзәтү камералары язмаларын сорасалар да полиция хезмәткәрләре ул җирдә камераларның булмавын әйтә. Хәзер шушы хәл буенча хокук саклау органнары хезмәткәрләре тикшерү эшләре алып бара.