Яңалыклар тасмасы
Чаллы юлында машина йөртүче хатын-кыз йоклап китеп, «КАМАЗ» белән бәрелешкән
Авыр йөк машинасы белән бәрелешү нәтиҗәсендә хатын-кызның кабыргалары сынган.
Кичә кич Чаллы-Сарман юлының беренче километрында юл һаләкәте булган.
«Лада» автомобиле белән идарә иткән 46 яшьлек хатын-кыз рульдә килеш йокыга китә. Машина каршы як полосага чыгып, зур тизлектә «КАМАЗ» үзбушаткычы белән бәрелешә.
Авыр йөк машинасын йөртүче бәрелешүне булдырмый калырга тырышып, машинаны юлдан читкә бора.
Юл-транспорт һаләкәте аркасында автоледи зыян күрә. Аның кабыргалары сынган, бәрелгән һәм тырналган урыннары да бар.
Следите за самым важным и интересным в Telegram-каналеТатмедиа
Нет комментариев