Чаллыда бала бәрдереп качкан машина йөртүчене эзлиләр

36/8/1 йорты ишегалдында 8 яшьлек малайны машина бәрдерә. Авария йортта урнашкан видеоҗайланмада теркәлгән. Аннан күренгәнчә, бала юлга кинәт йөгереп чыга. Машина аны бәрдерә дә китеп бара.

Малайның әнисе Асия ханым әйтүенчә, шул кичне ук шифаханәгә мөрәжәгать итәләр. Безнең хәбәрчегә ул:

– Шөкер, улымның сәламәтлегенә зыян килмәде, тәнендә җәрәхәтләр юк, – дип белдерде.

Шулай да  юл-транспорт һәлакәте урыныннан качкан машина йөртүчене эзләү бара.