Чаллыда «Ел рәссамы – 2021» конкурс күргәзмәсе узачак

Чаллы шәһәре Башкарма комитетының мәдәният идарәсе ярдәме белән, Картиналар галереясы «Россия рәссамнар берлеге» бөтенроссия иҗтимагый оешмасы» Чаллы оешмасы белән берлектә, егерменче тапкыр конкурс күргәзмәсен үткәрә. Сайланган темаларның, жанрларның һәм техникаларның масштабы һәм төрлелеге елдан-ел арта бара.
«Ел рәссамы – 2021» шәһәрнең сынлы сәнгатенең иң яхшы казанышларын тәкъдим итә һәм «Рәсем сәнгате», «Графика», «Скульптура», «Декоратив-гамәли сәнгать», «Халык сәнгате», «Яңа исемнәр», «Яр Чаллы.Тарих һәм хәзерге заман» номинацияләре буенча конкурста җиңүчеләрне бүләкләү тантанасын уздыра.
Күргәзмә нәтиҗәләре буенча, һөнәри осталыкның югары дәрәҗәсе белән аерылып торган, яңалыкка һәм оригинальлеккә ия булучы елның иң яхшы сәнгать әсәрләре картиналар галереясе коллекциясенең бер өлешенә әйләнәләр.
«Ел рәссамы – 2021» номинациясендә абсолют җиңүчене рәсми рәвештә Мәдәният хезмәткәре көненә багышланган тантаналы чарада бүләклиләр.
Рәссамнарның әсәрләре 16 гыйнвардан 23 гыйнварга кадәр картиналар галереясендә (Тынычлык проспекты 3\01, Район Башкарма комитеты тукталышы, Х.Туфан урамы ягыннан керү) кабул ителә.
Күргәзмәне ачу тантанасы 27 гыйнварда 16:00 сәгатьтә картиналар галереясенең зур залында узачак.