Чаллыда көчле җил аркасында биек кран ауды, кранчы хатын-кыз һәлак булды

10 июль көнне Чаллының Тынычлык проспектында биек кран ауган. Бу вакытта аның эчендә хатын-кыз булган.  
Россия Гадәттән тыш хәлләр министрлыгының Татарстан буенча идарәсе матбугат хезмәтендә хәбәр итүләренчә, ауган кран төзелеш мәйданчыгындагы коймаларны да җимергән.
Агентлыкның үз хәбәрчесе белдергәнчә, фаҗига урынына килгән коткаручылар 48 яшьлек кранчы хатын-кызны кран эченнән чыгарган. Ул һәлак булган.