Яңалыклар тасмасы
Чаллыда микроавтобус, фура белән авариядән качарга теләп, баганага бәрелгән
Юл-транспорт һәлакәте нәтиҗәсендә 52 яшьлек автобус пассажиры зыян күргән.
Чаллыда микроавтобус, фура белән авариядән качарга теләп, баганага бәрелгән, дип хәбәр итә «Челнинские известия» газетасы.
Авария кичә кич Минзәлә трактында килеп чыга. Башлангыч мәгълүматлар буенча, «ДАФ» фурасын йөртүче «Форд» микроавтобусына юл бирмәгән. Автобус йөртүче, бәрелештән качып, кюветка китә һәм баганага бәрелә.
Авария нәтиҗәсендә «Форд»ның 52 яшьлек пассажиры зыян күргән. Хатын-кызны төрле имгәнүләр белән Автошәһәрнең ашыгыч медицина ярдәме хастаханәсенә тапшыралар.
Следите за самым важным и интересным в Telegram-каналеТатмедиа
Нет комментариев