Чаллыда пляж волейболы сезоны ачылды
Үткән ялларда рәсми рәвештә пляж волейболы сезонын тантаналы ачып җибәрделәр. Г.Тукай исемендәге үзәк пляжда ир-атлар һәм хатын-кызлар командалары арасында волейбол буенча турнир оештырылды.
2 көн эчендә 5 волейбол мәйданчыгында 121 уен уздырылды.
Турнирда Казан, Алабуга, Түбән Кама, Минзәлә, Мамадыш, Менделеевск, Пермь, Йошкар-Ола, Ижау һәм Яр Чаллы шәһәрләреннән 25 ир-ат һәм 15 хатын-кызлар командалары көч сынашты.
Нәтиҗәдә 3 урынны «Староградские Пивоварни» (Алабуга), 2 урынны «Спарта» (Яр Чаллы) командалары алды. Беренче урынны «Олимпик» (Яр Чаллы) командасы яулады.
Хатын-кызлар арасында исә беренчелек – «Рофл» (Әлмәт) командасында. Икенче һәм өченче урыннарны «Удача» (Менделеевск/Ижау) белән «Наггетсы» (Казан) командалары бүлеште.
Җиңүче командалар һәм уен призерлары кубоклар, медальләр, диплом, спорт кибетенә сертификатлар белән бүләкләнде.
Фото: nabchelny.ru
Следите за самым важным и интересным в Telegram-каналеТатмедиа
Нет комментариев