Чаллыда Республика көнен бик актив билгеләп үттеләр

Чаллы халкын Татарстан Республикасы көне белән шәһәр Башкарма комитеты җитәкчесе Фәрит Сәлахов котлады, Чаллыда бу бәйрәм зур мәхәббәт һәм хөрмәт белән билгеләп үтелә, чөнки автокалада 80дән артык милләт яши дип билгеләп үтте.
Автозавод районы администрациясе башлыгы Винер Харисов шәһәрнең төзекләндерү, яшелләндерү һәм чәчәк ату бәйгесендә җиңүчеләргә дипломнар тапшырды. Шулай ук “Һөнәре буенча иң яхшы” конкурсына йомгак ясалды һәм җиңүчеләр бүләкләнде.
Бәйрәм сәхнәсендә шәһәр халкы һәм кунаклары өчен “Чишмә” халыклар дуслыгы йортының солистлары һәм иҗат коллективлары чыгыш ясады. Интерактив мәйданчыклар актив эшләде.

Фото: http://nabchelny.ru/