Чаллыда сатып алучы кибетче аның белән танышырга теләмәгән өчен җәнҗал чыгарган

Чаллыда сатып алучы кибетче аның белән танышырга теләмәгән өчен җәнҗал чыгарган. Бу турыда «Дельта» сак предприятиесе матбугат хезмәтендә хәбәр иттеләр.

«28 гыйнварда төнлә Чулман проспектында урнашкан зур булмаган кибеттән хәвеф сигналы килде», – диелгән хәбәрдә.

Төнлә исерек ир-ат кибеттә сатучы белән танышырга булган һәм телефон номерын сораган. Кибетче баш тарткан, ул аңа эштән куу белән янаган, җәнҗал чыгарган. Шулай ук башка сатып алучыларны һәм «Дельта» хезмәткәрләрен сугышырга котыртмакчы булган.

Чаллы кешесен тоткарлаганнар һәм хокук тәртибе хезмәткәрләренә тапшырганнар.

https://tatar-inform.tatar/news/2019/02/01/180047/