Чаллыда сайлаучыларга гриппка каршы бушка вакцина ясыйлар

Бүген чаллылылар ТР Дәүләт Советына депутатлар сайлау белән беррәттән, урында ук, ягъни участокларда, гриппка каршы бушка вакцина да ясата ала. Табиблардан торган мобиль бригадалар 39, 20, 1, 8, 12, 9, 18, 19, 24, 32, 37, 45, 58, 28, 30, 33, 40, 51, 60 нчы санлы мәктәпләрдә эшли. Алар шәһәрдәшләребезне кичке дүрткә кадәр кабул итәчәк. Сәламәтлек саклау идарәсе белгечләре хәбәр итүенчә, вакцина ясатырга теләүчеләр күп булса, табибларның эш графигы озынайтылырга да мөмкин.