Чаллыда табиблар WhatsApp буенча пациентларга консультация бирә башладылар

ТР Сәламәтлек саклау министрлыгына сылтама белән «Реальное время» хәбәр иткәнчә, мондый практика, аерым алганда, 7-нче номерлы Шәһәр хастаханәсендә кертелгән.

Ведомствода аңлатуларынча, табибны өйгә чакыртуның күп булуы сәбәпле, телефон аша гына түгел, мессенджер аша да кабул итәләр. Шунда ук белгеч белән киңәшләшергә була. Сәламәтлек саклау министрлыгында бу ысул телемедицина түгел һәм бары пациентларның уңайлылыгы өчен генә коралга алынды, дип ассызыкладылар.