Чаллы укучысының җыры федераль радиода бер ел дәвамында яңгыраячак

Чаллыдан Полина Шаһиева исемле укучы кызның "Русская кадриль" җыры федераль радиога бер елга ротациягә эләгә, дип хәбәр итә "Чаллы хәбәрләре". 8 яшьлек Полина бу хокукка федераль балалар радиосының хит-парадында җиңү яулагач ия була. Шулай ук Чаллы кызы радиостанциянең тавыш яздыру станциясендә җыр яздыруга бүләк сертификатын ала. Ә "Звери" төркеме җырларының авторы Виктор Бондарев аңа статуэтка тапшыра. Полина 27нче мәктәпнең өченче сыйныфында укый. Моннан тыш ул профессиональ рәвештә соло җырына өйрәнә. Кыз күп тапкыр халыкара, Бөтенроссия һәм республика музыкаль конкурслар лауреаты була