Чаллыда 2017 елда нинди эшләр башкарылды?

Менә аларның кайберләре: - Социаль ипотека буенча 663 фатир файдалануга тапшырылырга тиеш иде. 469 гаилә яңа фатирларга күчеп, өй туен үткәрде инде. Тиздән Гвардейская урамындагы йорт та файдалануга тапшырылачак. - Торак йортларда урнашкан 5 яшүсмерләр клубына сыйфатлы ремонт ясалды. Биредә яңа җиһазлар һәм оргтехника алынды. - 3 ял итү урыны барлыкка килде: Шишкин һәм Тинчурин бульварлары, Тукай яр буеның икенче чираты. Шәһәрнең үзәгендә "Азатлык" мәйданында төзекләндерү эшләре башланды. - Камада причал барлыкка килде. Элек биредә җимерелгән күпер иде, хәзер бу территория тәртипкә китерелде. - 10 балалар бакчасы капиталь төзекләндерелде һәм җиһазланды. - 33нче мәктәп, 77нче гимназия, 36нчы лицей-интернат танымаслык итеп яңартылды. - 6 җир асты кичүе төзекләндереп бетү алдында. - 36нчы бистәдә шәһәрдә иң зур заманча җиһазланган 41нче мәктәп төзелеп, файдалануга тапшырылды. Ул 1224 урынга исәпләнгән. - 17 компания "Яр Чаллы" алгарышлы социаль-икътисадый үсеш территориясе резиденты итеп теркәлде. Нәтиҗәдә өстәмә 2216 эш урыны булдырылды. Шәһәр икътисадына 13,7 миллиард сумлык инвестиция җәлеп ителде. - Чулман проспектында күпфункцияле үзәк ачылды. - 62 километр юл тәртипкә китерелде. Нәтиҗәдә юл-транспорт һәлакәте күп була торган 9 урын юк ителде. - 5 шифаханә капиталь төзекләндерү программасына кертелде. Аларда төзекләндерү эшләре белән бергә җиһазлар да яңартыла.