Чаллыда 8 тәгәрмәчле “Русак” автомобиле җыелды

Ул Ерак Себердә эшләү өчен уңайлы машина. Әлеге транспортны 2014 елда Түбән Новгород техник университетында проектлый башлыйлар. Ә машинаны Чаллыда Андрей Яковенко җитәкчелегендәге "Русак" компаниясе базасында узган елда җыялар. Вездеходның дизайнын Илгиз Хәмәдиев эшләгән. Әлегә аңа "Iveco Daily" кабинасы куелган. Машина серияләп чыгарыла башласа, аңа арзанрак "ГАЗель Next" яисә үзләре эшләгән кабинаны куярга планлаштыралар. Белгечләр әйтүенчә, машина тундрада эшли торган нефтьчеләргә һәм геологларга уңайлы транспорт булачак.