Яңалыклар тасмасы
Чаллыда баланы машинасы белән бәрдереп качкан ир тотылган
Чаллыда баланы бәрдереп, һәлакәт урыныннан качып киткән ирне ЮХИДИ хезмәткәрләре тоткарлаган. Бу хакта республика ЮХИДИ идарәсенең матбугат хезмәте хәбәр итә. Халыклар Дуслыгы проспектындагы 37/06нчы йорт каршында 9 февральдә кичке 5 туларга 10 минутта җәяүлеләр кичүендә автомобиль 11 яшьлек малайны бәрдергән.
Җиңел машина белән идарә иткән зат шушы транспорт һәлакәте урыныннан качып киткән, ә бала, баш мие селкенгән дигән шик белән, хастаханәгә китерелгән. Тәртип сакчылары әлеге "качкын"ның кемлеген ачыклаган: ул «Рено Дастер»да йөрүче 40 яшьлек ир булган. Полиция аның машинасын автомобильләр куеп тору өчен каралган түләүле объекттан тапкан.
Следите за самым важным и интересным в Telegram-каналеТатмедиа
Нет комментариев