Чаллыда Косаки авыруы эпидемиясе юк

Чаллыда Косаки вирусы йоктырып авыручылар саны күбәйгән, шәһәрдә эпидемия башланган дигән сүзләр дөреслеккә туры килми. Бу турыда шәһәр йогышлы авырулар хастаханәсендә белдерделәр. Дәвалау учереждениесенең баш табиб урынбасары Татьяна Әгъләмова әйтүенчә энтеровирус инфекциясенең берничә төрле була, әммә хастаханәгә чирләп килүчеләрнең берсендә дә Косаки вирусы формасы теркәлмәгән. Җәй көне ел да Чаллыда энтеровирус инфекциясе йоктыручылар күбәя икән, гадәттә болар- җылы якларда ял итүчеләр. Узган ел шундый чирлеләр 48 кеше теркәлгән булса, быел 30 кеше авырган.