Чаллыда цирк төркеме оешты
Чаллы тарихында беренче тапкыр үзебезнең шәһәр артистларыннан торган цирк төркеме барлыкка килде. Анда зурлар да, балалар да чыгыш ясый. Төркемнең беренче чыгышы март аенда булыр дип көтелә. "Яр Чаллы циркы" муниципаль оешмасын "Антре" балалар цирк студиясе җитәкчесе Галина Бамбурова җитәкли. "Шәһәрнең цирк студияләрендә шөгыльләнүчеләр бергәләп чыгыш ясау өчен төркемгә берләштеләр.
Бу артистлар өчен яхшы стимул, шулай булмаса цирк юкка чыгар иде, - ди ул. - Хәзер чит шәһәрләргә гастрольләргә чыгу өчен финанслар кирәк. Әлеге без Чаллыда "КАМАЗ" мәдәният сараенда чыгыш ясарга әзерләнәбез. Программаны республика гранты акчасына әзерләдек. Башта программаны мәктәпләрдә, балалар бакчаларында күрсәттек. Хәзер шәһәр халкына тәкъдим итәргә җыенабыз."
Программа спектакль форматында булачак. Артистлар "Незнайка һәм ромашка" тарихын акробатик номерлар белән чиратлаштырып сөйләячәкләр. Тулы канлы цирк булдырыу өчен әлеге шартлар җитәрлек түгел. Әйтик, хайваннар тотарга бина, арена юк. Хәзер репетицияләр ясау өчен мәйдан кирәк. Әлеге артистлар "Антре" һәм "Агадир" студияләрендә шөгыльләнәләр.
Зөлфия ИСЛӘЙЛЕ
Следите за самым важным и интересным в Telegram-каналеТатмедиа
Нет комментариев