Чаллыда зур хокук бозулар. Нинди?

Татарстанның монополиягә каршы көрәш хезмәте Чаллының Мәдәният һәм ял паркы өчен "Бәйрәм каруселе" аттракционын сатып-алулар барышында күпсанлы хокук бозуларны ачыклаган. Парк сату-алуга әлеге аттракционны җитештерү, сертификатлаштыру һәм кую буенча контракт чыгарган булган. Контрактның бәясе 8 миллион сумга бәяләнгән. УФАС тикшерүне бәйгенең потенциаль катнашучысы - Кемеровоның "НовТехСтрой" компаниясеннән гариза кергәч башлап җибәргән. Гаризада бәйге документлары закон таләпләренә туры килми дигән дәгъва бар
Монополиягә каршы көрәш хезмәте комиссиясе чынлыкта да бәйге үткәрүдәге гаризалар кабул итү вакыты, контрактның башлангыч бәясе, хезмәтләргә түләү срогы буенча җитешсезлекләрне ачыклаган. Нәтиҗәдә, контракт буенча сатып алу юкка чыгарылган.