Шəhри Чаллы

Чаллылылар авиаһәлакәттә зыян күрүчеләр истәлегенә чәчәкләр сала

Азатлык мәйданында шәһәр мэриясе бинасы янында вакытлы мемориал урнаштырылган, анда Минзәлә янында L-410 самолеты һәлакәтендә һәлак булганнар истәлегенә чәчәкләр салырга, шәмнәр кабызырга мөмкин.

Яр Чаллы шәһәре муниципаль берәмлеге башлыгы урынбасары Ирина Сәгыйдуллина, Башкарма комитет җитәкчесе Фәрид Салахов, шәһәрнең өч районы башлыклары, Башкарма комитет идарәләре һәм бүлекләре җитәкчеләре, мемориал янына чәчәкләр куеп, һәлак булганнарның якыннарының кайгыларын уртаклаштылар.
Ирина Сәгыйдуллина билгеләп үткәнчә, барлык шәһәр һәм республика хезмәтләре гадәттән тыш хәл нәтиҗәләрен бетерү эшенә җәлеп ителгән. «Бу бик зур фаҗига. Без һәлак булганнарның гаиләләренең кайгыларын уртаклашабыз, аларга сабырлык телибез», - диде ул.
«Ата - аналар балаларын югалтмаска тиеш», - диде Фәрид Салахов, кайгы уртаклашу сүзләрен җиткереп. 

Иң мөһим һәм кызыклы язмаларны Татмедиа Telegram-каналында укыгыз


Теги: фаҗига
Нравится
Поделиться:
Реклама
Комментарии (0)
Осталось символов: