Чаллылыларны ачык һавада кино карарга чакыралар

Иртәгә, 28 июльдә, кичке сигезенче яртыда, Яшь Ленинчылар бульварында ачык һавада кино күрсәтәчәкләр. Бу хакта 27 комплексның ТОС җитәкчесе Венера Наумкина хәбәр итә. Ул бүген Татаркинога барып фильм алып кайта. “Безгә Татаркино “Моя ужасная сестра” (6+) киносын тәкъдим итте,”- ди Венера Михайловна.

Шулай ук, 29 июль (18:00) һәм 30 июльдә (17:30) Чаллының берьюлы 3 паркында (Азатлык" мәйданы, Җинү паркы, Г.Тукай исемендәге Яр буе) кино күрсәтәчәкләр. Моңа кадәр кинолар җомга һәм ял көннәрендә әлеге паркларда чиратлап кына куелды.