Чаллының 7нче шәһәр дәваханәсендә яшь белгечләр эшли

Быел «Сәламәтлек саклау системасының медицина оешмаларын квалификацияле кадрлар белән тәэмин итү» федераль проектының «Сәламәтлек саклау» илкүләм проекты кысаларында поликлиникага 11 табиб эшкә урнаштырылган. Бу 5 табиб - терапевт, гомуми практика табибы, ультратавыш диагностикасы табибы, невролог, акушер-гинеколог, офтальмолог, бактериолог.

Татарстанга Башкортстан, Оренбург, Ханты-Манси автономияле округларыннан дүрт хезмәткәр килде. Белгечләр торак шартларын яхшырту өчен Татарстан Республикасы Хөкүмәтенең грантлар программасында катнашу өчен документлар әзерли башлады. Исегезгә төшерәбез, быел торакка грант суммасы 800 мең сум тәшкил итә. Өстәмә рәвештә, килгән белгечләргә 200 мең сум күләмендә шәһәр мэры Наил Мәһдиев гранты бирелә.

- Поликлиникада кадрларны җәлеп итү программасы эшли, ул поликлиника акчалары хисабына ординатура өчен түләүне һәм өстәмә белгечлекләр алу мөмкинлеген үз эченә ала, - дип билгеләп үтә баш табиб Александр Попов. – Моннан тыш, без медицина югары уку йортлары белән хезмәттәшлек итәбез һәм бөтен ил буенча абитуриентлар һәм уку йортларын тәмамлаучылар белән даими рәвештә очрашабыз. “WhatsApp”та төркемнәр булдырабыз, һәм озак вакыт дәвамында безнең учреждениедә эшләргә кызыксынган яшьләр белән элемтәдә торабыз.
7 нче шәһәр поликлиникасына килгән белгечләр өчен адаптация программасы эшли: яңа хезмәткәргә тәҗрибәле остаз беркетелә, ул яңа эш урынына күнегергә ярдәм итә.
Алсу Ганиева - быел эшкә кабул ителгән яшь белгечләр арасында. Ул Ханты-Манси автономияле округының Радужный шәһәреннән табиб-бактериолог. Яр Чаллыдан аның гаиләсе кызга дүрт яшь булганда күченеп киткән. Мәктәпне тәмамлаганчы гаилә Радужныйда яши. Аннары Казан медицина университетына укырга керә һәм аны 2018 елда уңышлы тәмамлый. Омскида белгечлеге буенча ординатурада укыган.

- Февраль аенда мин Интернетта эш урыны эзләдем һәм үз туган якларымда, 7 нче поликлиникада эш урыны турында белдерү таптым, - дип сөйли яшь белгеч, - поликлиникага шалтыраттым, миңа: «Без сезне көтәбез!» диделәр. Ординатура узган ярты елга якын вакыт дәвамында без бүлек мөдире һәм баш табиб белән элемтәдә тордык. Мин күченәргә карар иткәч, бик дулкынландым, чөнки биредәге кешеләрнең холкын белмәгән идем, юкка борчылганмын, монда мине яхшы каршы алдылар. Поликлиникада коллектив игелекле, ачык йөзле. Поликлиникадан һәм гомумән шәһәрдән бик яхшы тәэсир калды. Мин канәгать!,- дип нәтиҗә ясады ул.  

http://nabchelny.ru/