Чирмешән ветеранына Белоруссиядән медаль җибәргәннәр

Чирмешәндә яшәүче Бөек Ватан сугышы ветераны Шәһит Ибраһимка Белоруссиядән юбилей медале җибәргәннәр. Аныветеранның өенә барып, районның хәрби комиссары Дмитрий Палаткин тапшырган. Бу турыда район басмасы хәбәр итә.

Шәһит абый Белоруссияне, Польша җирләрен азат итүдә катнашкан, Берлинга кадәр барып җиткән. Ул укчы булган, кече командирлар мәктәбен тәмамлаган.

«Сугышка 19 яшемдә киттем, анда һәм армиядә 7 ел булдым. Чирмешәндә милициядә 33 ел дә эшләдем», — дип сөйләде ветеран.

Керкәленең иң өлкән кешесе. 94 яшьлек Шәһит Ибраһим кызы Сәлимә, улы Фәһим тәрбиясендә яши.

https://tatar-inform.tatar/news/society/26-11-2019/chirmesh-n-veteranyna-belorussiyad-n-medal-ib-rg-nn-r-5696356