Дөнья чемпионаты вакытында Татарстанда өч команда тукталачак

Дөнья чемпионаты вакытында Татарстанда өч команда тукталачак Быел җәй Россиядә узасы футбол буенча Дөнья чемпионаты вакытында Татарстанда өч команда тукталачак. Бу хакта Халыкара футбол федерацияләре берлеге (ФИФА) хәбәр итә. Республикада Япония, Австралия һәм Колумбия футболчылары яшәячәк. Австарлия җыелма командалары "Ак барс" хоккей клубының базасында торачак, ә күнегүләр уздыру урыны итеп "Хезмәт резервлары" стадионы билгеләнгән. Колумбия башкала читендәге "Казан" чаңгы комплексында яшәячәк һәм шөгыльләнәчәк. Япон футболчылары исә "Рубин"ның базасында тукталачак. Билгеле булганча, Дөнья чемпионаты барышында Казанда алты матч узачак. төркем очрашулары кысаларында узасы Франция - Австралия, Испания - Иран, Польша - Колумбия һәм Германия - Көньяк Корея матчларыннан тыш, чирекфинал һәм финалның 1/8 өлешендәге уеннар булачак. https://www.vatantat.ru/index.php?pn=3316