Шəhри Чаллы

“Фермер мәктәбе”ндә практик дәресләр башланды

Татарстан Республикасы Авыл хуҗалыгы һәм азык-төлек министрлыгының матбугат хезмәте «Фермер мәктәбе»ндә практик дәресләр башлануы турында хәбәр итә.

«Фермер мәктәбе»ндә практик дәресләр  Яшел Үзән районы Кәдрия Лотфуллина крестьян-фермер хуҗалыгы базасында узды. Предприятие күркә, бройлерлар үстерү һәм кош  ите эшкәртү белән шөгыльләнә.

Эшмәкәрлек эшчәнлеген оештыру һәм алып бару мәсьәләләре турында КФХ башлыгы Кәрдия Лотфуллина сөйләде.

Курс барышында тыңлаучылар кош ите җитештерү процессында яшь терлекләрне ашату һәм карау белән таныштылар һәм сугым цехы эше белән таныштылар.

"Кошчылык фабрикасы буенча экскурсия һәм аның хуҗасы белән очрашу миндә аеруча тәэсир калдырды. Шулкадәр мавыктыргыч һәм кызык булды ки, аз гына вакыт эчендә без борчыган барлык сорауларга да җавап алдык. Мин үзем өчен бик күп яңа һәм файдалы, шул исәптән ветеринария буенча мәгълүмат алдым. Мондый уңышлы фермерлар белән очрашу яңа эш башлаган авыл хуҗалыгы җитештерүчеләрен югары нәтиҗәләргә ирешүгә рухландыра", – дип тәэсирләре белән уртаклашты Лаеш районы фермеры Елена Нигъмәтҗанова.

Очрашу ахырында тыңлаучылар фермер хуҗалыгының үзләре җитештергән продукциясен татып карадылар һәм тәэсирләре белән уртаклаштылар. Бу фермер хуҗалыкларының алга таба хезмәттәшлегенә һәм аларның Татарстан Республикасында үсешенә ярдәм итәр дигән ышаныч бар.

Якын арада укулар Лаеш һәм Биектау районнары крестьян-фермер хуҗалыклары базасында узачак.

Укуларның гамәли өлешендә 40 күчмә практик дәрес планлаштырылган. Укулар йомгаклары буенча катнашучылар " “Фермер хуҗалыгы агробизнесы” өстәмә белем бирү программасы буенча дәүләт үрнәгендәге диплом алачак.

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: