Филүс Каһиров кайчан фонограммага җырлый?

- Кайчагында авырып та китәсең, тере кеше бит инде без, төрле чаклар була. Мин авырган вакытта да фонограммасыз эшләп чыгам. Бернинди җайланмалар кулланган булмады, булмаячак та. Ходай тәгалә исәнлек, саулык бирсен, - дигән ул "Татар тудей" хәбәрчесенә.
- Без концертның азагында микрофонсыз гына “Китмә, сандугач” җырын башкарып үтәбез, тамашачылар бик җылы кабул итә. Бу инде тамашачыларга ошамаска мөмкин дә түгел, чөнки моннан да чын булган башкару юк. Микрофон – җырчы өчен бертөрле җайланма ул, ансыз башкарганда аның үзенең бер рәхәте бар. Син анда бөтен нечкәлекләрне дә рәхәтләнеп эшли аласың, тембрың ничек бар, шулай чыга, бернинди матурлау, тигезләү дигән әйбер юк. Шундый матур, җылы кичәләр үткәрү - минем хыялымда. Бу, Алла бирса, киләчәктәге планга кергән, - дигән ул.

Камерный концертлар планында туган ягы да читтә калмагандыр дип ышанасы килә.

https://kiziltan.ru/kultura/20210-fils-kairov-kaychan-fonogrammaga-yrlyy.html