Газ өчен телефон аша түләү мөмкинлеге булдырылды

Татарстанда хәзер газ өчен смартфон ярдәмендә генә дә түләп була. Моның өчен “Газпром трансгаз Казань” оешмасы махсус кушымта булдырды. Ул “Оплата за газ”дип атала. 

“Түләүләрне, теләсә кайсы банк картасыннан файдаланып башкарып була. Комиссия алынмый", – дип аңлатып үткәннәр компаниянең матбугат хезмәтендә.

Моның өчен иң элек кушымтаны телефонга урнаштырыру сорала. Анда абонентның түләргә тиешле суммасы күрсәтелә. Шунда ук күрсәткечләрне тапшыру мөмкинлеге дә тәкъдим ителә. Теләге булганнар белгечләргә хәбәр дә калдыра алалар.