Иң бәхетле халык Финляндиядә яши

Белгечләр Бөтендөнья бәхет турында доклад белән чыгыш ясаган. Анда алар гомер озынлыгы, социаль ярдәм һәм коррупция кебек факторлар нигезендә 156 илне бәхет дәрәҗәсе буенча бәяләгән.

Беренче урында Финляндия теркәлгән.

Анда яшәүче 5,5 миллион кешенең 300 меңе чит илләрдән килүчеләр. Димәк, анда күчеп, алар нык откан.

Унлыкка шулай ук Норвегия, Дания, Исландия, Швейцария, Нидерланды, Канада, Яңа Зеландия, Швеция һәм Австралия кергән.

АКШ исә былтыргы 14нче урыннан 18нче урынга төшкән.