Яшүсмер кызны дуңгызлар үтергән

Красноярск краенда мәктәп укучысын дуңгызлар үтергән.

«Ана дуңгыз кызны аяктан еккан аннары калганнары аны өзгәләп ташлаган», – дип хәбәр итте «База» каналы.

Бу фаҗигале көнне кыз йортта берүзе кала. Әти-әнисе Красноярск шәһәренә китә. 

Кыз кич белән дуңгызларны ашатырга абзарга керә һәм шунда фаҗигале төстә үлә.

Тикшерүчеләр аны агрессив ана дуңгыз төртеп егуын ачыклый. Кыз башы белән бәрелеп, аңын югалткач, аңа дуңгызлар ташлана. Якынча мәгълүматлар буенча,  дуңгызлар кызның сул аягындагы бот артериясен өзгән, бала күп кан югалтудан үлгән.

Кызлары телефонын алмагач, әти-әни танышларыннан үзләренә барып, баланың хәлен белүен сорый. Кызганыч, гаиләнең танышы дуңгыз абзарында кызның гәүдә өлешләрен генә таба. 

Баланың әти-әнисе тикшерүчеләргә ана дуңгызның  һәрвакыт ярсу булуы турында сөйләгән.