Җитәкчеләр билгеле

"Чаллы ТВ" телерадиокомпаниясе директоры Зөфәр Дәүләтшин вазыйфасыннан китте. Аның урынын "Челнинские известия" газетасы баш мөхәррире Зөлфия Солтанова алды. Дөресрәге газета һәм телерадиокомпанияне берләште, яңа медиахолдинг барлыкка килде.

Шулай ук "Татмедиа" республика агентлыгында Яр Чаллыда нәшер ителүче басмаларның җитәкчеләрен яңа 2017 елга расладылар. "Көмеш кыңгырау" газетасын Факил Сафин җитәкләячәк, "Майдан" журналы баш мөхәррире булып Фидаил Мәҗитов кала. "Шәһри Чаллы" шәһәр газетасы Мирһади Разов кулында. Әлеге шәхесләр белән республика агентлыгы кабат хезмәт килешүләренә кул куйды.