Югалган малайларның берсенең мәете табылган

2024 елның 30 мартында Башкортостанда 13,14 яшьлек Павел Паличев белән Дамир Әдһәмов югалган иде. 26 майда Уфаның Җиңү паркыннан ерак түгел урында, Агыйдел елгасына төшә торган баскыч янында бер үсмернең мәете табылган. «Башинформ»  агентлыгы хәбәр итүенчә, аның өс киеме 30 мартта югалган үсмерләрнең берсенекенә (Павел Паличевныкына) охшаган. 

Бүген ата-аналар үзләренең 13 яшьлек улын таныганнар. Хәзерге вакытта эксперт тикшерүләре, шулай ук икенче баланы эзләү дәвам итә.