Юл-транспорт һәлакәтендә бала гомере өзелде

М-7 автомобиль юлында коточкыч юл-транспорт һәлакәте булды. Анда 5 яшьлек баланың гомере өзелде. Якынча мәгълүматлар буенча, Hyundai машинасын йөртүче тизлекне арттыра һәм юл читендә туктап торган йөк машинасы астына барып керә. Нәтиҗәдә бала ашыгыч ярдәм хезмәте машинасында үлә. Әнисе авыр җәрәхәтләр ала. Машина йөртүче әти кешегә берни дә булмый.

Юл хәрәкәте иминлеге инспекторлары машина йөртүчеләрне юл йөрү кагыйдәләрен төгәл үтәргә чакыра.