Калфаклы бәйгебезгә актив рәвештә фотолар җибәрәләр
“Шәһри Чаллы” газетасы яңа бәйге игълан иткән иде. “Хөрмәтле туташ-ханымнар, калфак кигән фотогызны Инстаграм аккаунтында Директка яки WhatsApp аша 8 908 333 0370 номерына җибәрегез, соңрак рәсми сайтыбызда тавыш бирү үткәрәчәкбез, җиңүчегә бүләк тапшырачакбыз”, - дип мөрәҗәгать иттек без сезгә.
Редакциягә беренче булып Казанда яшәүче Илзия Фәйзуллинадан матур фото килде. Ул тумышы белән ямьле Кукмара районы Аш-Буҗи авылыннан, хәзерге вакытта Казан шәһәренең Дәрвишләр бистәсендә яши, тормыш иптәше белән ике ул үстерә. Балалар бакчасында тәрбияче булып эшли.
Инстаграмда бик күп подписчикларыбыз аны хуплап: “Шундый матур безнен татар кызлары”, “Күзләр тимәсен”, “ Чигелгән калфагыгыз бик килешеп тора үзегезгә”, - дигән комментарийлар язды, лайклар куйды.
Исегезгә төшерәбез, калфак кигән матур фотогызны 9 июльгә кадәр Инстаграм битенең Директына яки Ватсап буенча 8 908 333 0370 номерына җибәрегез, соңрак рәсми сайтыбызда тавыш бирү үткәрәчәкбез – иң күп лайк һәм комментарий җыючыга бездән бүләк! Фотоларыгызны көтеп калабыз! Ашыгыгыз!
Следите за самым важным и интересным в Telegram-каналеТатмедиа
Нет комментариев