Каникулларда Чаллы укучылары өчен саф һавада чаралар оештырыла

28 декабрьдән Чаллы укучылары өчен кышкы каникуллар башлана. Алар 10 гыйнварга кадәр дәвам итәчәк. Бу чорда өстәмә белем бирү учреждениеләрендә төрле яшьтәге укучылар өчен 78 чара планлаштырылган.

«Бу чараларны аз санда балалар белән саф һавада үткәрергә тырышабыз. Иң яхшы очракта, бу бер сыйныфка юнәлтелгән чара», - дип ачыклык кертте мәгариф идарәсе башлыгы Рөстәм Хуҗин.

Шуны да билгеләп үтәргә кирәк, кышкы каникуллар чорында Чаллы укучылары өчен шәһәр яны лагерьлары да оештырылачак. Бу - «Саулык», «Росинка», «Солнышко»сәламәтләндерү учреждениеләре.

Фото ачык чыганаклардан

Чыганак: Яр Чаллы шәһәренең рәсми сайты